#0022

- وانت ازاى بتستحمل كل أصحابك المجانين دول؟

أنا بالعافيه باستحمل واحد صاحبى لما يبقى متلغبط شوية... وبازهق!!

- أنا بقى أصحابى معندهمش لغبطة.. لكن هما طول الوقت.. عبارة عن لغبطة متحركة.. وأنا شبههم فيمكن عشان كده متوافقين بعض..

يمكن المشكلة أنك بتشوف الناس.. ونفسك.. أحمال.. المفروض تستحملها..

لكن ينفع تشوفك.. وتشوفهم.. بشر بيتغيروا.. ويتطوروا.. ويعيشوا انسانيتهم.. 

فطبيعى أحوالهم بتتبدل.. زى فصول السنة.. وطبيعى يتلغبطوا.. لانهم بشر.. مش بلاستيك.. 

ولاننا كلنا مش كاملين.. وهنفضل كده.. 

فغالبا الحقيقيين اللى بيتعاملوا ع الاساس ده.. بيبقوا شبه.. المجانين!!