#0011

وسأل: أمتى أبقى حر؟

فجاوبه: لما ما يبقاش عندك حاجة مُضطر تخبيها.. أو خايف حد يشوفها.

- يعنى لما أبطل أغلط؟!

- لا.. ما أحنا أوقات بنخبى حاجات صح.. وحلوة.. عشان معندناش الشجاعة نعيشها.. أو نعلنها.. لمجرد إنها.. مُختلفة.

لكن ها تبقى حر.. أما أنت نفسك.. تبقى قادر تشوف تفاصيل نفسك فى النور.. بجمالها.. و واحشتها.. بضعفها وقوتها.. أما تبقى مش خجلان.. ولا خايف منك..

اللى بيأسرنا مش الناس ولا الضعف.. لكن الضلمة.

أما تقبل إنك إنسان.. وأنهم بشر زيك.. وتقدر تطلع من مخبأك للنور.. نورك.. ونورهم.

أما تتحرر م الضلمة.. وتبقى قادر تتواجد فى النور.. عندها تبقى حر.