#0035
ولقيتنى عامل زى البيت اللى عدى عليه الزلزال؛ فكسره، وعمل فيه فراغات وشقوق، بتدخل برد.. ورياح عنيفه تهز الساكن، وتقلب كيانه، تخليه مكشوف قصاد العابرين، وما أصعب أن تعيش مكشوف الداخل!!
قمت دورت على كام طوبة عشان أسد بيهم فراغاتى، مالقتش حاجة على مقاسى!! وفى نفس الوقت قولت لنفسى أنه ماحدش ليه ذنب يكون مجرد تعويض لغياب ناس تانيين.
فانسحبت، ورجعت لرسومات البيت الأصلية، عشان أرمم نفسى قبل ما أفتح بيتى لضيوف تانيين.