#0015
- إدينى وصفة سريعة جداً للنضج... بس بسرعة عشان مستعجل.
- شوية قراءة، شويتين تلاتة ألم، 3 حبات صبر وحبتين تفاعل مع الناس والحياة... وممكن تفرد ع الوش مزيكا و فن عموما قد ما تقدر.
آه استنى.... وكثير.. كثير.. من الوقــــت والأنتظــــار و... مرايا!!
- وقت كتير؟!! انتظار!! أمال فين السرعة؟
- السرعة فى الوصفة نفسها ده أنت لو هتعمل صينية مكرونة.. هتقرا الوصفة فى دقيقة.. وتنفذها فى ساعتين.. ما بالك بقى صينية إنسان.
الوصفة سريعة.. لكن تنفيذها بياخد العمر كله.. وهى دى الخدعة!!
