#0017
- إتربيت على أنى حر.. أعمل كل اللى أنا عاوزه.. بس بشرط أنه يكون على مزاجهم.. ويعجبهم.. وفى حدود رغباتهم... يعنى مثلاً أنا حر أدخل الكلية اللى انا عاوزها.. بس تكون صيدله أو طب أنا حر أختار اللبس اللى البسه من أنواع الهدوم اللى حددوها لى .
أنت حر تختار من وسط مجموعة أختيارات مسبقة شخص تانى حددها لك!!
أنت حر تفكر فى ربنا.. بس فى حدود عقيدتنا وأفكارنا!!
دايماً كنت مربوط.. بكلمة بتتكرر على طول : أنا أديتك الثقة.. و واثق فيك يا أبنى أنك مش هتعمل حاجة غلط... ويتقال للناس أحنا واثقين فى بنتنا عشان عارفين أحنا ربيناها إزاى.
وحاليا أنا مش عارف أنا حر؟ ولا مربوط بأفكارهم؟
وهل أنا عايزه أعمل اللى أتمنعت منه عشان فعلاً عايزاه؟ ولا ده نوع م التمرد؟ وإيه بقى الغلط والصح؟؟
أما الثقة.. فأصبحت كلمة مبهمه.. غير مفهومة بالنسبة لى!!