خطوة واحدة

خطوة واحدة... ممكن تكون بينك.. وبين الحياة. 

خطوة واحدة... بوضوح وحسم.. تجاه عائق واحد فى حياتك.. ممكن تفتح ليك أبواب دعوتك اللى أتقفلت.

خطوة واحدة... ترفع بيها حجر واقف فى سكتك من سنين.. ممكن تمهد الطريق لأجيال وراك.

خطوة واحدة... تقفل بيها باب أذى.. أو تسد بيها فتحة.. بتستنزف حياتك.. ممكن تكون زى لمسة هدب توب يسوع.

خطوة واحدة... تجاه شخص يساعدك..تعترف فيها بأحتياجك.. وعجزك.. ممكن تكون سكة الشفا اللى بتطلبه من سنين.

خطوة واحدة... تسأل فيها سؤال.. ممكن تفتح لك الباب لأسئلة كتير.. ولآدراكك أنت مين.

خطوة واحدة...  تقدم فيها محبة.. وتتجاوز مخاوفك.. ممكن تكون بداية حريتك.. وكسر قيودك.

خطوة واحدة...  سؤال واحد.. مقابلة واحدة.. صدمة واحدة.. كتاب واحد.. عبارة واحدة...

حاجات كتير ممكن تكون صغيرة.. لكن جايز تغير كل كيانك ووجودك.. ووجود أشخاص كتير حواليك.

خطوة واحدة... الحياة مُنتظراك أنك تخطوها.. وغالباً أنت عارفها.. ومش بتخطيها.. 

يمكن لبساطتها.. أو لصعوبتها.. أو يمكن لانك مش متخيل أن الحل ممكن يكون بسيط وعادى كده.

يا صديقى.. الحياة تنتظرك.. على بعد.. خطوة واحدة...