باحبك. ونقطة
باحـبــك يعنى... باحـبــك.❤️
باحـبــك وبس.. باحـبــك ونقطه.
فرق كبير بين باحـبــك.. وبين..
أمتلكك... محتاجلك... لازم أكون معاك.. أتغير عشانى..
باحـبــك.. يعنى انا اللى على الدور أنى أعمل.. عشان أنا اللى قولت أنى باحـبــك مش أنت... باحـبــك.. ده فعل مش بس وصف حاله.
باحـبــك... يعنى واحشنى ومحتاجلك... لكن.... خليك فى المكان والحياه اللى تناسبك.. لأن خيرك أهم من تسديد أحتياجى... أنت بالنسبه لى أنسان مش مجرد تسديد أحتياج.
باحـبــك.. يعنى حاسس بيك جدا كأنى شايفك.. و ينفع نكون واحد من غير ما اكلمك.. او اشوفك.. او اقابلك.. عشان الحب هو اللى بيوحد مش شىء تانى.
باحـبــك... يعنى أنت لازم تفضل أنت.. وتمتلك أنت.. وهافضل اساعدك عشان تكون أنت.. عشان جناحاتك تكبر.. حتى لو طرت بيهم بعيد عنى... عشان أنا مش باحب صورة فى خيالى لكن باحـب.. "أنت".
باحـبــك... يعنى هاصدقك وانا عارف انك مش قادر تقول كل الحقيقه... أنت أهم عندى... هاصدق صدقـك الخايف!!
باحـبــك.. يعنى عارف كل حاجة حصلت.. وانت مش محتاج تبرر... لان مفيش جوايا لوم تجاهك.. لانى قبل ما اهتم بمعرفه تفاصيل الاحداث.. ع ر ف ت ك.
باحـبــك.. يعنى مافيش فينا قاضى ولا متهم.. ولا صراع مين الصح ومين الغلط.
باحـبــك.. يعنى ينفع تفضل متطمن وانت بعيد.. زى ماكنت فى حضنى.
باحـبــك.. يعنى ماينفعش غير أنى أحـبــك.. ومهما بعدنا أو قربنا.. مش هتلاقى عندى تجاهك غير أنى باحـبــك.
هذا ما كنت أعنيه عندما أخبرتك أول مره... أنى احـبــك????
هكذا علمنى.. يسوع الحــــب ????❤️????